Chin Miphun Thantar (Flag) Tla Hlah Seh
CNF nih Chin miphun thantar tlaih in hriamtlaih dohthlennak lam in miphun zalon nak tlangpar phanh ding ah hmai ahruaiih a kaipicuahmah. Kan citmilawnghme ko hmanh sehlaw a nuammi Chinland thar kanphanh khawh nak ding ah rili pi chung ah kan tilawng cu miphun thantar he akal cuahmah. Zeitluk har kohmanh sehlaw kan dohthlennak kan tilawng a rawklo dinghi a biapi ko. A rawk lo ahcun kankal chin kan nawr chin lengmang lai ih kan goal tung cu kan phan hrimhrimlai. Har sat nak phunphun ruang ah zeitik can ah kan phanlai ticu chimkhawh asi lo. Kan nibiatak ahcun kanphan hrimhrim laicu a fiang.
A voi (4) nak 21st Century Panglong Conference (UPC) cu Naypidaw ah 2020 August thla (19) in (21) tiang tuah asi. CNF upa pawl zong anlungthin, anthazang dihlak chuah in cabuai cung ramkhel raldohnak ah a nitel ve. Kan pule pawl hi kanrampi huap zong siseh, tlangcungmi vialte chungzong ah siseh, kanduailo, ati khocem pawl ansi ti usi law kanpalh lemlailo. Anchuahpimitheipar (result)zongkan duh ning in a chuak rihlo kanti khawh ko nain hmaikan sawn ko ti cu a fiang. Kan Chinmivialtenihkanbawmh, kandawmhcio a hauko. Anlung retheihnak le an tha bat zong kanhnemh a hau.
Cu lawng a silo. 21st Century Panglong Conference andihbak in Camp Victoria ah an rakkirdihih Basic Political Training, Party Cadre Training, Workshop on Youth and Nation-Building, Basic Medical Training, Trainer for Trainee — dongcat lo bak in pehzulhasi. Chin miphun ralkap leizong a hmun kip ka kip ah Training phun phun le cawlcanghnak ah ankanngeihpiak fawn. Chungkhar he um tikholo ni le caan hi a tam.
Chin miphun Ralkap lei zong nunthap in ram le miphun caah kanti khawh tawk kanttuan cuahmah ko. Party Hruaining tein le ramkhel timhtuahnak ngei bu te in kanttuan cuahmah ko. An I pekchanh nak chung in hnih khatte langhter ka duh. Kan ralbawi cheukhat an nupi le cancer zawtnak tuar in anzawt lio ah a kumkum in i tong kholo tehna,thisen sang a cung 200 a tang 130 an tluuk lolawng khi asi bu in ttuanvo kan pek nak ah an kal komi tehna khi kan um. Ram le Miphun caah a ro pui tukmi pekchanhnak asi.
Ram pakhat Miphun pakhat kansiam tikah Chinmi pakhatlawng, CNF upa lawng, CNF lawngnih ttuan khawh asilo. Chin miphun vialte kanti khawhmi fimnak, ruah nak, thilri thazang le phaisa thazang in kanni tel cio lawng ah miphun pakhat ram pa khat kan dirh khawh lai. Ram le Miphun kandawtnak hi kanti khawh tawk kan tuah ser nak hi asiko. Upa, Ngakchia, Nunau, Mipa, Mirum, Mi sifak, ti loin ram le miphun caah rian a ttuan khodeuhmi hnanih akan zuanhnawh a hau, kan bawmh a hau ngaingai ko.
Chin Miphun pakhat si dingah vuleicung ah kanrak chuak kho hicu lunglawmh awk ngaingai asi. I uahpi ngaiding asi. Nangzong Keizong Chin miphunsi awk ah fa, tu le te chin ngeih khawh zong a her ngaiko. Chinland le Chin miphun caah pupa hnanih miphun cawlcanghnak kantuahmi thil sunglawi cu kan chin te fa hna nih ngol lo banglo tein le pehzulh tein tuah lengmang aherh ko. Kan dohthlennak ah Thantar tlaihbu in nunnak apetu kan um, a hliammi kan um, zawt fah le ton-sual ruang ah a thimi tampi kan um. Kan Chinmi pakhat nih miphun thantar he hmai ah akal cuahmah lio ah kan miphun ral nih an rak kah ih ankhen. Miphun thangtar vulei a tlukpi hlan ah kan te fa hna nih a kutchung lakpiakih hmai ah an kal pichih a hau. A tlumi a chanh ih alatu pakhat hnu pakhat kandih tiang kankal pilai. Pakhat hnu pakhat — Chin miphunThantar cu Chinland le Chin miphun aiawh asi.
Pu Thomas Thangnou (Patron)
27th September, 2020